|
SubscriptionsSites I Read
|
|
|
|
| 返左大陸... 一行三十人, 其中半團係唔識的... 這種group 旅行, 我真的不太喜歡... 全團都識就另計呢~! 否則都係自由行才好@!!
總結兩日行程, 就係第一日好hae, 第二日好辛苦///
其實出發前都知會翻風加落雨, 但實際上兩樣野一齊黎就真係好難頂... 如果行程照原訂計劃都好D, 就係第一日雕樓第二日其他, 點知調轉後, 今日的重點節目就在雨中結束...
仲要使用 "非禮勿視" 廁所... 真係... 唉!!! | | |
| 祝各位佳節快樂~! 無錯, 在這普天同慶的大好日子, 我卻是整天都未踏出過家門一步... 一字記之曰懶... 我想行街買衫, 但想到遙遠的路程, 同埋一出就無左幾個鐘, 就覺得想訓覺多點... 今日主要是練了點琴, 快看完了一本書, check 了公司所有email, 打了機... 餘下的, 就是睡... 睡到好像要補回之前開工的休息不足, 但又補極都唔夠... 好了, 佳節是個紀念... 各位, 請看看A Christmas Carol 這本書吧, 不要忘記分享的心喎~!!! 守財奴是無用的, money should work for you, don;t work for money 哦~!!! 回顧過去一年, 感覺自己好像年輕了, 卻又老了... 學琴, 自學日文, 看書, 這一切一切, 都是一向自兒時就想做的... 感覺上, 得到自主的能力後, 就更想贖回以前的時光, 這一點上, 好像很年輕... 而在某些方面, 感覺又好像老了... 好似對朋友聚會的渴求, 以前是覺得沒有見面好空虛, 現在是隨遇而安的感覺... 反正想見面時只管老老實實地開口就好, 比面的自然有空出現, 其他的, 不是有事忙就是要陪另一半... 另一半就是有可能一起步入教堂後就一生相伴的人吧, 你總不能將自己的友人地位放上別人心中的天秤... 講起自己的無聊, 就會引來好多人叫你自己找個另一半... 這個問題, 又是一個老問題, 自己會有時諗下, 家人會出聲, 朋友會講下, 連同事也看不過你二十幾歲都未拍拖, 叫你快D 搵返個! 其實而家都覺得自己幾好, 但想到老來無依又無伴, 就會好擔心... 究竟心裏是想找個解決還是想年晚煎堆!? 過多半個月又生日了, 過了這個年年25歲的大關後, 只差一點點就會比人在人前背後講係老姑婆... 想當年自己都係用同一把尺去度人, 現在真係天有眼... = = 心中突發奇想不如過多幾年去外國讀幾年書, 話唔定識個老外生個mix BB 都幾好! 說到底我都仲係鍾意生個BB 多個同個男人生活, 真係恐怖... 有時真係想當交功課咁找個男朋友拍兩下散左算... 我知自己心態好唔健康... >_< 彈琴方面, 我真係好想突飛猛進... 現在這個技術不足的階段好難捱... 點解我數拍子咁一心不能二用!??? 當我數123時手就不受控制, 相反手彈arm 時口就不受控制, 真想打死自己... 幾時先可以試下彈D 好多音符的名曲呢!??? 唯有叫自己加油啦... 事業方面還好啦... 但都幾羨慕人地份工有OT 出, 引述forward email 的話, 時薪係比月薪開心ge, 因為會斤斤計較每返的一小時工=幾多錢嘛~! 而且, 現在的工作有無窮的新野去學, 感覺能夠master 到新skill 都幾有成功感! 有時, 愉快的感覺真的不可用金錢去衡量... 不過, 我真的要好好控制自己的情緒同口吻, 提昇EQ, 不能永遠讓同事就我, 因為人總有厭倦的一日, 不要等人討厭我才去補救!!! 差點忘記星期六日去大陸! 其中竟然是入住江門銀晶酒店, 那是小時候經常去的地方呀! 我的回憶不是我的... 太健忘... | | |
| 好耐無真正放過假了~! 雖然8月是去了旅行, 但舟車勞動過後除了快樂的回憶就是累了... 現在, 經過無數OT 後, 終於有個真正長假~!!
早上就駕車回公司拿電腦. 點知管理處無人所以要同事解救才能進入公司停車場... 結果, 同事們 (還是上司耶!!!) 就被我搞到等了5-10分鐘!!! 真是十分不好意思呢...
中午出去食飯, 經過南新的平台區時, 見到一隻有狗帶的狗發狂地咬住另一隻流浪狗, 有狗帶那隻的主人又鬧又踢牠都不肯放口, 直到流浪狗被牠咬住的頸部都流血了... 一路看一路覺得好恐怖, 感到面對畜牲發狂是那麼無助, 死咬不放... 現在是一頭狗還好, 如果是一個小孩子呢!? 我真不敢想像/// 最後, 在一個人兩隻狗糾纏了十分鐘後, 隻衰狗終於不情願地放口了... 我已經忘記了牠是點樣放口的... 只見兩隻狗分開之後, 就見到流浪小狗頸部皮開口裂, 仲有鮮血! 好在不是傷在脈門, 如果唔係真係可能血流如柱! 主人鬧自己隻不肖狗之餘, 就無人關心受傷的小狗, 行來行去, 很是可憐... 可惜, 我見到佢血淋淋的我也不敢去關心牠... 希望牠傷口早日痊癒, 千萬不要細菌感染就好...
食完飯就去了氹仔教育活動中心的迷你圖書館. 這裏有好多兒童圖書, 最arm 我口味~!! 最後, 看到一本很特別的 "歐赫貝奇幻地誌學A-Z (分幾部)", 以詳細的地誌描述配以遊記故事的形式去講述各個虛構國度, 看得到作者的誠意跟細心. 一看就不想停下去了~! 籍這本書, 除了可以看到好多奇幻故事, 仲有好多各地的風土人情, 好像真的一樣! 讚!!! 立即將書架上的兩本借回家 (J-Q 及 R-Z, 不知前面有幾本呢?) 好像擁有哦~!!! 等我抄低書號先!
另外, 講到書, 昨晚看完了 The Boy in the Striped Pyjamas... 好簡淺易明的書, 但帶著淡淡的悲涼... 書的副題好貼切... "A Story of Innocence in a World of Ignorance"... 我覺得這本書有一個小小的敗筆, 就係敗在男主角實在太無知, 太笨! 怎麼可能整整同另一邊的男孩見了一年面, 都還只懂用自己的方式去理解周圍的事!??? 可能, 這不是敗筆, 只是本書的主題--- ignorance... 是緣份? 應該是吧! 仲要係一段業 緣, 同年月日生, 一個身處絕望的必死之路, 另一個卻有著受服侍的身份... 最後, 估不到結局是兩個小孩同日死... 大門關上了, 毒氣放出了, 小少爺到死都還是那麼無知, 是悲哀還是幸運呢...? 我好奇的是那一刻Shmuel 會講甚麼呢...? 終局, 一個家庭, 一個為自己的殺戮職位而高興的人在面對真相的那一刻, 完全崩潰了... 人終是到失去是才可惜嗎!?
男孩的死, 好無謂, 尤其你知道佢有兩次想回家的諗法時... 但那些Jews 的死又何嘗不是咩!? 這就是作者的聰明, 讓你讀完後心裡充滿 "如果"...
自從接觸過Hitler 屠殺猶太人的書後 (多得家姐的教授向她宣傳, 間接也向我宣傳了... 身後猶太人, he did a good job... = =), 每次想到這段遙遠但卻發生於現代的歷史, 都感到十分無助/// 種族歧現, 是一切的源頭... 不單如止, 其實, 當每個人, 同另一個人唔同的時候, 就自然有所比較, 有比較就可能有欣賞, 有妒忌, 想到咁, 就會覺得, 其實共產主義的最終形態, 真係一個天堂... 但無分比此的社會, 有可能嗎!? 相信就算在天堂, 亦恐怕永無實現之日... 人人都响往在天堂不用做, 無憂無慮... 我只希望, 不用自己做不等如有人服待, 如果唔係, 天堂恐怕只是人間的翻版, 遲早出事... 遲D 真係要拜讀下馬克思主義的理想藍圖, 一窺這設計師如何構建和諧理想國度...
| | |
| 昨日特登請人情假備戰, 好彩老細好人批準ja~!!! 計返其實都練左成9個鐘...
今日第一次踏足科大, 估唔到係為左考琴~!
一入到報到處, 見到個鬼佬同接待的兩個妹妹吹緊水, 都知佢係考官喇! 點知佢話佢識個考官, 仲話知佢好好人, 叫我唔使緊張...
心諗, 唔通violin 同琴係不同考官但post 同一個名上通知書!???
正在此時, 原來無人考緊而現場得我一個人, 所以我飲兩杯暖水後就開始了... 足足早左半小時呢, 但我prefer 早D 考好過係出面等等等越等越驚...
入到去, 咪又係哥個鬼佬~! 扮哂野... 但我竟然相信... >_< 不過佢真係好好人囉, 搞到我無咁緊張 (事實上都無乜時間比我緊張)...
performance 比我想像中好, 雖然都係有錯但好在唔係致命... 點知, 份sight-reading 明明鬼咁淺, 係C major, 但我竟然太緊張, 唔知自己做乜, 亦無打拍子入... 唉, 浪費左份咁淺的卷!!! 我平時做D 練習都難過佢啦!!!
aural 開展得好快, 但好容易, 係一聽就答得出, 唔使諗哥種~! 多謝我老師平時比D 咁難的piece 我聽, 仲辛苦佢為左我做無限次sight-reading tim~!!!
好了, 終於考完, 可以彈新歌仔了~!!!
12月無限精彩考試完成了~! yeah!!! 考試結果在3,4月公佈!
| | |
| 今日終於到了12月精彩倒數停不了的第一回--日本語能力試驗~!
抄文法書用了兩個星期的休息時間抄了12版, 昨日還在放工後妄想可以逐一go through, 最終在時間一點點流逝後向現實低頭了, 轉向影印了一個鐘 (成本書就低能地遺漏了在公司) 的文法part... 點知圈完答案 (唔係自己做!) 後, 都無心機睇了...
好, 一覺訓到今早8點半. 上學去!
在山腳落車步行上山, 好在寶刀未老, 咬住個包都仲抖到氣!!! 點知途中見到後生我幾年的人要搭的士! 你唔係掛, 仲係在校生tim!
第一部份, 文字及語彙, 同想像中一樣啦, 話哂我都係4,3,2,1 咁考上黎, 所以對這一part 未驚過.
點知, 到第二部份聽解就呆左... 上次二級雖然都係快, 同埋答案只出現一次, 但都叫做聽得明, 跟得切! 點知今次D 用語好難, 我真係得3,4成get 到! 講埋D 民生問題呀, presentation 呀, 研究結果咁, 玩死我咩!!! 其他易D 哥D, 我聽到一個feature, 又聽唔到另一個, (通常係2個features 的combination 做成4 個選擇), 超無奈, 中間仲無時間停低, 差D 答案都油唔切, 總之好忙!我得幾題知道自己點解要選哥個答案ja!!!
其中最搞笑 (而我又知自己聽緊乜的) 竟然係一條打機題同一條卡通片題. 好好笑!!!
打機題 (我本來唔知係乜game, 但break 時聽到以前的日文major 同學講先知係日文國民RPG 勇者鬥惡龍!): 細佬問哥哥點樣過關, 要上山打惡龍, 哥哥叫佢由西邊的沼澤走, 再去北邊的山! 跟住細佬諗住照打時, 哥哥問佢拿了XXX武器未, 原來要去XXX町拿了先得... (大意)... 問: 細佬的路徑係...? 我聽完已經呆左...
最後一條無圖的題目是一部 drama (好似高達哥類) 的excerpt (大意):
男1: 報告隊長... (下略; 意為戰情告急)
男1: 但XXX機的駕駛員唔available (好似係受傷)
男2: 咁由我去啦!!!
男1: 隊長! 但係XXX機未完成測試... (下略)
女: 等我去啦!!!
男2: Asuka (點解不論男女, 呢類卡通的主角都要叫Asuka!???), 你唔去得架!!!
女: (不理兩男阻止) 我去喇~!!!!!! (聲音由近至遠)...
聽完, 全場充滿暗笑聲... 當聽完答案1同2都係 "隊長XXXX...." 時, 我一心諗住我終於知個答案係乜, 就係個女仔去左做機師...
點知...
答案3: 女仔駕駛0號機
答案4: 女仔駕駛4號機
............................................................................................................
!!! SHIT!!! 搞錯呀!!! 玩野呀!? 好後悔無聽清楚邊部機壞...
就在受完聽解給我這份充滿娛樂性的衝擊後, 有半小時break, 我到校園一遊, 見到好多小樹木, 有哂label 的, 仲有, 平台竟然多左個孔子像...
好了, 之後第三份卷, 讀解部份勁難, 根本哥種題目你用中文問我都未必答得arm, 而文法當然又係用第六感去亂撞... 所以, 今次真係要看我的答題直覺準唔準確了... Anyway, 終於完成了一個考試, 之後去安德魯食中午, 再行返屋企, 感覺勁refresh~!!!
| | |
|
